46 əsərdən ibarət sərgiyə giriş pulsuzdur
15-24 fevral tarixlərində Azərbaycan Rəssamlar İttifaqında Məryəm Ələkbərlinin müxtəlif illərdə yaratdığı 46 əsərdən ibarət sərgisi keçiriləcək. Sərginin kuratoru Elçin Şamillidir. AYNA.AZ xəbər verir ki, sərgiyə giriş pulsuzdur.
Məryəm Ələkbərlinin (1991–2015) sərgisi Azərbaycan Rəssamlar İttifaqı tərəfindən təşkil olunub və 15-24 fevral 2026-cı il tarixlərində keçiriləcək.
Buraya abstraksiya, portret və natürmort janrlarında çəkilmiş 46 əsər daxildir. Həmçinin "Nağıl" silsiləsindən əsərlər də daxil edilib.
Məryəm Ələkbərli 4 iyul 1991-ci ildə Bakıda anadan olub. O Bakıda, Moskvada və Parisdə, Dekorativ Milli İncəsənət Məktəbində, Gözəl Sənətlər Məktəbində və Böyük Şomer Akademiyasında rəssamlıq təhsili alıb. O fərdi sərgilər də daxil olmaqla 43 sərgidə iştirak edib.
Bu sərgilər Almaniya və Fransada, Rusiya və Belçikada, Yaponiya və Amerikada, İtaliya və Türkiyədə keçirilib. Onun onlarla əsəri dünyanın hər yerində şəxsi kolleksiyalarda saxlanılır. Onun Bakıdakı son sərgisi 2023-cü ildə Muzey Mərkəzində keçirilib.
