Belə ki, onlar məşhur aktyorun məzarı üzərində salavat verib, əllərinə gülab töküblər
Bir neçə azərbaycanlı məşhur döyüş ustası, rejissor və aktyor Brüs Linin məzarını ziyarət edib.
AYNA xəbər verir ki, azərbaycanlılar ABŞ-ın Sietl əyalətində Leyk Vyu qəbiristanlığında dəfn edilən Brüs Li və onun oğlu Brendon Linin məzarına gedərək, orada İslam qaydalarına uyğun ziyarət təşkil ediblər.
Belə ki, onlar məşhur aktyorun məzarı üzərində salavat verib, əllərinə gülab töküblər.
Bu görüntülər sosial şəbəkələrdə geniş müzakirəyə səbəb olub.
Qeyd edək ki, məşhur döyüşçü Brüs Li 1973-cü ildə dünyasını dəyişib. Aktyorun oğlu Brendon Li isə 1993-cü ildə "Qarğa" adlı filmin çəkilişləri zamanı qarın boşluğundan aldığı güllə yarası səbəbindən həyatını itirib.