ABŞ Yaxın Şərqə F-15E qırıcılarından ibarət eskadron yerləşdirib
Bir qrup Amerika döyüş təyyarəsi Yaxın Şərqə gəlib. AYNA xarici mediaya istinadən bildirir ki, bu barədə ABŞ Mərkəzi Komandanlığı (CENTCOM) məlumat yayıb.
"ABŞ Hərbi Hava Qüvvələrinə məxsus F-15E “Strike Eagles” İngiltərədəki “Lakenheath” Hərbi Hava Qüvvələri bazasından olan 492-ci eskadrondan Mərkəzi Komandanlığın məsuliyyət zonasına gəlib", - məlumatda bildirilib.
Bir gün əvvəl “The Times of Israel” qəzeti İranın İsrailə qarşı mümkün raket hücumu ilə bağlı narahatlıqlar fonunda ABŞ-ın müvəqqəti olaraq F-15E “Strike Eagle” döyüş təyyarələri eskadrilyasını İordaniyaya yerləşdirməyə qərar verdiyini yazmışdı.