AAYDA zəlzələ ilə bağlı gücləndirilmiş iş rejiminə keçib

Xəbərlər

07.12.2023 - 10:54

Körpülər, keçidlər, tunellər yoxlanılır

Bu gün saat 08:16-da Xəzər dənizində baş vermiş və maqnitudası 5,6 olan zəlzələdən dərhal sonra Azərbaycan Avtomobil Yolları Dövlət Agentliyinin (AAYDA) müvafiq strukturları gücləndirilmiş iş rejiminə keçiblər. AYNA xəbər verir ki, bu barədə Agentlik məlumat yayıb.

Bildirilir ki, agentliyin mütəxəssisləri yol infrastrukturuna baxış keçirir, süni mühəndis qurğularının (körpülər, keçidlər, tunellər və s.) vəziyyətini yoxlayır.

Gün ərzində də yoxlamalar davam etdiriləcək.

Bundan başqa, agentliyin balansında olan bütün körpü və yolötürücülərinə, yeraltı və yerüstü keçidlərə, tunellərə nəzarət gücləndirilib.

Müəllif: Ayna.az