Zakir Həsənovla Hulusi Akar arasında görüş keçirilib - VİDEO

Xəbərlər

04.10.2022 - 19:17

Azərbaycan və Türkiyənin müdafiə nazirləri hərbi əməkdaşlığın genişləndirilməsini müzakirə ediblər

Azərbaycanın müdafiə naziri general-polkovnik Zakir Həsənov və Türkiyənin milli müdafiə naziri Hulusi Akar iki ölkə arasında hərbi, hərbi-texniki, hərbi təhsil və digər sahələrdə əməkdaşlığın inkişaf perspektivlərini, regional təhlükəsizlik, eləcə də qarşılıqlı maraq doğuran bir sıra məsələləri müzakirə ediblər.

Müdafiə Nazirliyindən AYNA-ya bildirilib ki, oktyabrın 4-də H.Akarın rəhbərlik etdiyi nümayəndə heyəti Bakıya səfərə gəlib.

Azərbaycanın müdafiə naziri general-polkovnik Zakir Həsənov qonaqları Heydər Əliyev Beynəlxalq Aeroportunda qarşılayıb.

Sonra Müdafiə Nazirliyində təntənəli qarşılama mərasimi keçirilib. Fəxri qarovulun önündən keçildikdən sonra hər iki ölkənin dövlət himnləri səsləndirilib və protokola uyğun olaraq “Şərəf kitabı” imzalanıb.

Qonaqları salamlayan müdafiə naziri onları Azərbaycanda görməkdən məmnunluğunu bildirib, ölkələrimiz arasında digər sahələrdə olduğu kimi, hərbi sahədə də əməkdaşlığın, strateji müttəfiqliyin dostluq və qardaşlıq münasibətləri üzərində qurulduğunu qeyd edib.

General-polkovnik Z.Həsənov Ermənistan silahlı birləşmələrinin son təxribatlarına qarşı Ordumuz tərəfindən görülən qətiyyətli cavab tədbirlərindən sonra yaranmış əməliyyat şəraiti, eləcə də ordu quruculuğu sahəsində görülən işlər barədə danışıb.

Ölkəmizə səfərindən məmnunluğunu ifadə edən cənab H.Akar genişmiqyaslı təxribatların qarşısını alarkən şəhid olan hərbi qulluqçularına yaxınları və ailə üzvlərinə başsağlığı verib, yaralılara şəfa diləyib.

Milli müdafiə naziri ölkələrimiz arasında qarşılıqlı inam, etimad və dəstəyə əsaslanan əməkdaşlığın bundan sonra da uğurla inkişaf edəcəyinə əminliyini vurğulayıb.

Azərbaycan və Türkiyə müdafiə nazirliklərinin digər rəhbər heyətlərinin də iştirak etdikləri görüşdə hərbi qulluqçuların peşəkarlıq səviyyələrinin daha da artırılması məqsədilə birgə hərbi təlimlərin keçirilməsinin əhəmiyyəti xüsusi qeyd edilib.

Zakir Həsənovla Hulusi Akar arasında görüş keçirilib - Zakir Həsənovla Hulusi Akar arasında görüş keçirilib - Zakir Həsənovla Hulusi Akar arasında görüş keçirilib - Zakir Həsənovla Hulusi Akar arasında görüş keçirilib - Zakir Həsənovla Hulusi Akar arasında görüş keçirilib - Zakir Həsənovla Hulusi Akar arasında görüş keçirilib - Zakir Həsənovla Hulusi Akar arasında görüş keçirilib -
Müəllif: Ayna.az