"40 Eridani A" ulduzunun fəaliyyəti səhvən ekzoplanet kimi qəbul edilib
Beynəlxalq alimlər qrupu qeyri-rəsmi adı "Vulkan" adlandırılan "40 Eridani A" ulduzunun ətrafındakı ekzoplanetin əslində mövcud olmadığını müəyyən ediblər. Bu barədə "Phys.org" saytındakı məqalədə qeyd edilib.
Yeni məqalədə tədqiqatçılar NASA-nın yaxından öyrənilməsi üçün potensial obyektlər kimi nəzərdən keçirdiyi ekzoplanetlərin siyahısını təhlil ediblər. Onlar "40 Erib"in planet kimi müəyyən edilməsinin yalan olduğuna və "40 Eridani A" ətrafında orbitdə belə bir obyektin əslində mövcud olmadığına dair sübutlar tapıblar.
Ekzoplanet namizədi "40 Erib" təxminən 16 işıq ili uzaqlıqdakı "40 Eridani A" ulduzunun yaydığı işığın dalğa uzunluqlarından radial sürəti ölçməklə kəşf edilib. Bu üsul böyük bir planetin fırlanmasının ulduzun bucaq impulsunu yaratmasına əsaslanır və bu, "doppler" effektindən müəyyən edilə bilər. Bununla belə, tədqiqatçılar aşkar ediblər ki, müşahidə olunan effekt əslində ulduzun səthindəki aktivliklə bağlıdır və ekzoplanetin mövcudluğuna dəlil deyil.
Daha əvvəl bildirilmişdi ki, Almaniyanın Maks Plank Astronomiya İnstitutunun alimləri də daxil olmaqla, beynəlxalq astronomlar qrupu Yupiter böyüklüyündə "TOI-3235 b" qaz ekzoplanetini kəşf edib.