Qərbi Azərbaycan İcmasının Qayıdış Konsepsiyası təsdiqlənib

Xəbərlər

26.01.2023 - 15:44

Layihənin rəsmi təsdiq üçün Müşahidə Şurasına təqdim edilməsi qərara alınıb

Qərbi Azərbaycan İcmasının Qayıdış Konsepsiyası təsdiqlənib. AYNA xəbər verir ki, İcmanın Müşahidə Şurası Konsepsiyanı müzakirə edərək təsdiqləyib.

Xatırladaq ki, yanvarın 25-də İcmanın İdarə Heyətinin geniş tərkibdə iclası keçirilib. İclasda İdarə Heyətinin üzvləri ilə yanaşı, İcmanın strukturlarında təmsil olunan ziyalılar, mütəxəssislər iştirak ediblər.

İclası giriş sözü ilə açan Qərbi Azərbaycan İcmasının sədri, millət vəkili Əziz Ələkbərli Qayıdış Konsepsiyasının hazırlanması məqsədilə silsilə tədbirlərin, fərdi və qrup halında mütəxəssislərlə görüşlərin keçirildiyini, müzakirələr zamanı yüzlərlə təklifin irəli sürüldüyünü, İcmanın Konsepsiyanın hazırlanması ilə bağlı elan olunmuş elektron poçta çoxlu sayda təkliflərin daxil olduğunu, bütün bu təkliflərin İşçi Qrupunda sistemləşdirildiyini, təhlil edilib ümumiləşdirildiyini və sənədin layihəsinin hazırlandığını bildirib.

İclas iştirakçılarına təqdim olunan layihə ətrafında geniş fikir mübadiləsi aparılıb, layihə qəbul edilib və prosedura uyğun olaraq, rəsmi təsdiq üçün Müşahidə Şurasına təqdim edilməsi qərara alınıb.

Müəllif: Ayna.az