Hadisə ilə bağlı cinayət işi başlanıb
İyulun 28-i saat 9 radələrində Qəbələ rayonu, Bum qəsəbəsi ərazisində 2011-ci il təvəllüdlü Aqşin Ağasiyevin elektrik cərəyanı vurması nəticəsində ölməsi barədə Rayon Prokurorluğuna məlumat daxil olub.
Qəbələ Rayon Prokurorluğundan AYNA-ya bildirilib ki, araşdırmalarla Aqşin Ağasiyevin çayın kənarından keçən elektrik naqilindən hər iki əli ilə tutan zaman elektrik cərəyanı vurması nəticəsində hadisə yerində öldüyü müəyyən edilib.
Faktla bağlı Qəbələ Rayon Prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb.
Hazırda iş üzrə istintaq davam edir.