Prezident yanında Komissiyanın şöbə müdiri: “Özümüzü dünyaya güldürürük”

Cəmiyyət

04.01.2020 - 10:45

Oktay Səmədov: “Azərbaycan imtahanların sayına görə, az qala “Ginnesin rekordlar kitabı”na düşəcək”

 

Azərbaycan Respublikasının Prezidenti yanında Ali Attestasiya Komissiyasının Analitik təhlil və elektron xidmətlər şöbəsinin müdiri Oktay Səmədov AYNA-nın həmsöhbəti olub. Müsahibəni təqdim edirik:

 

- Oktay müəllim, ali məktəbi bitirən məzunların təkrar imtahana çəkilməsi və imtahanın Dövlət İmtahan Mərkəzinə (DİM) həvalə olunması təklifi verilib. Bu təklifə münasibətiniz?

 

- Orta məktəblərə qəbulda azyaşlı uşaqlar imtahan verirlər, 3 nəfər yaşlı adam qarşısında uşaqları imtahana çəkmək nə qədər doğrudur? Axı bu uşaqlarda məktəbə sevgi yaratmaq əvəzinə sorğu-sual etmək nə deməkdir. Uşaqlar psixoloji sarsıntı keçirirlər. Ümumiyyətlə, ildən-ilə imtahananların sayını artırmağın məqsədi nədir? Azərbaycan az qala imtahan sayına görə “Ginnesin rekordlar kitabı”na düşəcək. Hələ də bu sualın cavabını tapmıram. Nə qədər uşaq, yeniyetmə, gənc imtahan barədə düşünməlidir? Bakalavr, magistr bitirən şəxs mütəxəssis kimi yetişdirilibsə, yenidən imtana çəkmək qəribə gəlir, təəssüf edirəm. Bu, əslində ağrılı məsələdir. İslahatlar gedir, təhsil islahatları təhsilin keyfiyyətini yüksəltmək, insanların həyatını yüngülləşdirmək üçündür. Bizdə isə, aparılan islahatlar həyatı qəlizləşdirir, konkret təhsildə gərginliyi artırır. Olmazmı ki, bu, elə bir formada aparılsın ki, problemlərin həllinə yönəldilsin?!

Raminə Eyvazqızı