Onlar havaya dron buraxmaqda şübhəli bilinirlər
Norveç hakimiyyət orqanları dronları havaya buraxmaqda şübhəli bilinən üç Almaniya vətəndaşını saxlayıb. AYNA.AZ xəbər verir ki, bu barədə oktyabrın 3-də Norveçin “Nettavisen” xəbər agentliyi məlumat yayıb.
"Polis üç Almaniya vətəndaşını Mo i Rana hava limanında dronlardan qeyri-qanuni istifadə etdiklərinə görə saxlayıb", - məlumatda deyilir.
Saxlanılan şəxslər daha sonra sərbəst buraxılıb.
Xəbər agentliyinin məlumatına görə, saxlanılanların təxminən 20 yaşı var. Onlar hava limanının ətrafındakı beş kilometrlik zonaya dron buraxmaqda şübhəli bilinirlər.