Müdafiə Nazirliyi məlumat yayıb

“Ermənistan tərəfi növbəti təxribata zəmin yaradır”

Basarkeçər rayonunun Zod istiqamətində əlavə canlı qüvvə və döyüş texnikası cəmləşdirən Ermənistan silahlı qüvvələri bölmələrinin aktivliyi tərəfimizdən müşahidə edilir.

Müdafiə Nazirliyindən AYNA-ya verilən məlumata görə, bununla qarşı tərəf növbəti təxribata zəmin yaratmağa cəhd göstərir.

“Bölgədə yaranmış gərginliyə görə bütün məsuliyyət məhz Ermənistanın hərbi-siyasi rəhbərliyinin üzərinə düşür”, - deyə məlumatda qeyd edilib.