Yolçu Xanvəli: “Dərman preparatları ilə heyvanların çimizdirilməsi baytar həkimin nəzarəti altında aparılmalıdır”
Son zamanlar Lerik rayonunun kəndlərində mal-qara arasında xəstəlik yayıldığı barədə məlumatlar yayılıb. Həmin məlumatlara görə, xəstəlik rayonun Zeynəko və ətraf kəndlərində bir neçə təsərrüfatda müşahidə edilib.
AYNA-nın əməkdaşı heyvanlar arasında qeydə alınmış bu xəstəlik barədə Kənd Təsərrüfatı Nazirliyi (KTN) yanında Aqrar Xidmətlər Agentliyinin (AXA) İnformasiya təminatı, ictimaiyyətlə əlaqələr və beynəlxalq əməkdaşlıq şöbəsinin baş məsləhətçisi Yolçu Xanvəli ilə həmsöhbət olub. O, xəstəliyin, yayılan məlumatlarda vurğulandığı qədər geniş vüsət almadığını deyib.
“Xəstəlik mal-qara arasında kütləvi hal almayıb, yalnız iki ailənin təsərrüfatındakı heyvanlarda xəstəlik qeydə alınıb. Bu, teylerioz qan-parazitar xəstəliyidir. Ona el arasında "qızdırma xəstəliyi" deyilir”, - deyə müsahibimiz bildirib.
Ülviyyə Şahin