Qəzada xəsarət alanlardan daha biri dünyasını dəyişib
İsmayıllı-Qəbələ avtomobil yolunda baş verən qəzada xəsarət alanlardan daha biri dünyasını dəyişib.
AYNA APA-ya istinadən xəbər verir ki, ağır xəsarət alan BMW markalı avtomobilin sürücüsü xəstəxanada keçinib.
Qeyd edək ki, dünən İsmayıllı-Qəbələ avtomobil yolunun İsmayıllı rayonunun Qurbanəfəndi kəndi ərazisindən keçən hissəsində "BMW" və “Honda” markalı avtomobillər toqquşub.
DİN-in Mətbuat Xidmətinin Şəki regional qrupundan AYNA-ya verilən məlumata görə, nəticədə sonuncu nəqliyyat vasitəsindəki sərnişin, 2002-ci il təvəllüdlü Nurlan Nağıyev aldığı xəsarətlərdən xəstəxanada ölüb. Hadisə zamanı xəsarət alanlar isə xəstəxanaya yerləşdirilib.
Faktla bağlı Baş İstintaq və Təhqiqat İdarəsi tərəfindən araşdırma aparılır.