Adları açıqlanmayan həmin şəxslər bir həftəlik karantinə alınıb
İngiltərə Premyer Liqası futbolçu və klub əməkdaşlarının koronavirus testindən keçirilməsinin 3-cü mərhələsini başa vurub.
AYNA-nın Apasport.az-a istinadən məlumatına görə, müayinədə ümumilikdə 1008 oyunçu və əməkdaş yoxlanılıb.
Mayın 25-26-na təsadüf edən yoxlamada dörd test müsbət nəticə verib. Bu isə o deməkdir ki, üç klubu təmsil edən bu “dördlük”də koronavirus aşkarlanıb. Adları açıqlanmayan həmin şəxslər bir həftəlik karantinə alınıb.
Qeyd edək ki, birinci mərhələdə 6, ikincidə 2 test müsbət nəticə verib.