Elxan Qasımov 2000-ci ildə Əməkdar artisti adına layiq görülmüşdü
Azərbaycanın Əməkdar artisti, Elxan Qasımov dünyasını dəyişib. Bu barədə AYNA-ya Azərbaycan Kinematoqrafçılar İtitfaqından bildirilib.
Azərbaycan Kinematoqrafçılar İttifaqı mərhumun ailəsinə başsağlığı verib.
Xatırladaq ki, Elxan Məmməd oğlu Qasımov 1945-ci il aprelin 24-də Naxçıvanda anadan olub. “Əhməd haradadır” filmindən “sürücü Əhməd” kimi tanınan Elxan Qasımov 1969-cu ildən “Azərbaycanfilm” kinostudiyasında işləyirdi. Bədii, sənədli filmlərin, “Mozalan” süjetlərinin müəllifidir.
Azərbaycan kino sənətinin inkişafındakı xidmətlərinə görə 2000-ci ildə “Azərbaycanın Əməkdar artisti” fəxri adına layiq görülüb.
Elxan Qasımov tamaşaçıların, həmkarlarının yadında o həmişə səmimi, sadiq dost, vətənsevər şəxsiyyət, istedadlı həmkar kimi qalacaq.
Allah rəhmət eləsin!