Dünyada neftin qiyməti düşür, Azərbaycan nefti isə bahalaşdı

İqtisadiyyat

27.05.2020 - 11:55

“Azeri Light” markalı neftin bir barrelinin qiyməti 36 dollar təşkil edib

 

Dünya birjalarında neftin qiyməti ucuzlaşıb. AYNA xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,38 dollar geriləyərək 35,79 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,43 dollar ucuzlaşaraq 33,92 dollar təşkil edib.

 

Azərbaycanın “Azeri Light” markalı neftin bir barrelinin qiyməti isə artaraq 36 dollar təşkil edib.

 

Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

Müəllif: Ayna.az