DTX Qarabağda döyüşən kürd terrorçularının səsini yaydı

Aktual

06.10.2020 - 17:36

Səs yazılarında terrorçular erməni tərəfində vəziyyətin ağır və itkilərin çox olmasını, aldadıldıqlarını deyirlər

 

Ermənistan Azərbaycan Respublikasına qarşı hərbi təcavüzündə xarici muzdlulardan, o cümlədən İraq və Suriya ərazisindən gətirilmiş kürd terrorçu qruplaşma üzvlərindən fəal istifadə edir.

 

AYNA xəbər verir ki, bu barədə Dövlət Təhlükəsizliyi Xidmətinin (DTX) İctimai Əlaqələr Şöbəsinin yaydığı məlumatda bildirilib.

 

Məlumatda ölkəmiz əleyhinə hərbi əməliyyatlarda iştirak edən PKK ilə əlaqəli terrorçuların radio danışıqlarının ələ keçirildiyi qeyd olunub.

 

Həmin səs yazılarında terrorçular erməni tərəfində vəziyyətin ağır və itkilərin çox olması, azərbaycanlılar tərəfindən dronların effektli tətbiqi barədə müzakirələr aparır, ermənilərin məlumatlarına aldanaraq münaqişə bölgəsinə gəldiklərindən peşmançılıq keçirdiklərini bildirirlər. DTX həmin materialları təqdim edib.

Müəllif: Ayna.az