Prokurorluq hadisə barədə məlumat yayıb
Xızıda dəyirmanda iki nəfər qazdan zəhərlənərək ölüb. AYNA xəbər verir ki, bu barədə Xızı Rayon Prokurorluğu məlumat yayıb.
Bildirilib ki, avqustun 13-də Xızı rayonunda yerləşən un dəyirmanı müəssisəsində iki nəfərin ölməsi barədə rayon prokurorluğuna məlumat daxil olub.
İlkin araşdırma zamanı həmin müəssisədə iş görərkən 1974-cü il təvəllüdlü Cavid Qocayev və 1981-ci il təvəllüdlü Müşfiq Muqbilovun texniki quyularda yaranmış qazdan zəhərlənmə nəticəsində ölməsi, 1985-ci il təvəllüdlü Xəyal Rəsulovun isə zəhərlənməsi müəyyən edilib.
Faktla bağlı Xızı Rayon Prokurorluğunda araşdırma aparılır.