Təqdimat yanvarın 27-də Qara Qarayev adına Mərkəzi İncəsənət Məktəbinin akt zalında olacaq
ARB “Aranfilm” Yaradıcılıq Mərkəzinin ərsəyə gətirdiyi “Danışan əllər” sənədli filminin təqdimatı keçiriləcək. Bu barədə Mərkəzin rəhbəri Tahir Tahiroviç AYNA-ya məlumat verib.
Təqdimat yanvarın 27-də Qara Qarayev adına Mərkəzi İncəsənət Məktəbinin akt zalında olacaq. Ekran əsərində Azərbaycanın xalq artisti, professor, dirijor Cavanşir Cəfərovun həyat və fəaliyyətindən, uğurlarından, pedaqoji sahədə nailiyyətlərindən bəhs edilir.
Qeyd edək ki, filmin ssenari müəllifi və rejissoru Babək Abbaszadə, operatoru Anar Seyidov, məsləhətçisi Əməkdar artist Əziz Qarayusifli, icraçı prodüseri Qənirə Qurbanlı, bədii rəhbəri Tahir Tahiroviç, prodüseri İqbal Məmmədəliyevdir.