Jozep Borrel: Biz Rusiya ilə danışıqları davam etdirməliyik
Ukraynada hərbi əməliyyatlar dayandırıldıqdan sonra Avropa Rusiya ilə birgə yaşamağa davam etməlidir. AYNA xəbər verir ki, bu sözləri “Le Journal du Dimanche” qəzetinə müsahibəsində Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel deyib.
O bildirib ki, Moskva ilə dialoqu davam etdirmək tələb olunacaq. Borrel Rusiyanın sülh danışıqlarından sonra mövcudluğunu davam etdirəcəyini deyib. Diplomatın fikrincə, Avropa Rusiya ilə necə yaşayacağını dəqiq müəyyən etməlidir.
“Rusiyanın Ukraynada etdiklərindən sonra belə birgəyaşayış çox çətin olacaq. Ancaq yenə də bu qitədə ruslarla birlikdə yaşamağa çalışmalı olacaqsınız. Biz Rusiya ilə danışıqları davam etdirməliyik”, - deyə Borrel bildirib.
O əlavə edib ki, Moskva ilə əlaqə kanalları heç vaxt bağlanmayıb.