Xəsarət alanların vəziyyəti kafi qiymətləndirilir
Bakı-Qazax magistral yolunun Goranboy rayon ərazisindən keçən hissəsində yol-nəqliyyat hadisəsi olub, xəsarət alanlar var.
AYNA-nın "Report"a istinadən məlumatına görə, hadisə nəticəsində xəsarət alan, 1969-cu il təvəllüdlü B.Hüseynov və 1981-ci il təvəllüdlü Y.Namazov xəstəxanaya yerləşdirilib.
Onların vəziyyəti kafi qiymətləndirilir.
Qeyd edək ki, nəqliyyat vasitələrinin birinin yük yerində olan kartof yola dağılıb.
Faktla bağlı araşdırma aparılır.