Vasif Əliyev: “Yoluxma sayının artmağa doğru davam etməsi sərt tədbirləri qaçılmaz edəcək”
Yoluxma sayının artmağa doğru davam etməsi sərt tədbirləri qaçılmaz edəcək. AYNA-nın Trend-ə istinadən məlumatına görə, bunu TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyib.
TƏBİB rəsmisi bildirib ki, bir çox ölkələr yoluxma sayının artmasında görə, sərt tədbirlərə, məhdiyyətlərə gedirlər: “Bütün ölkələrin çarpayı sayı, tibbi personalın sayı məhduddur. Vətəndaşlar dərk etməlidir ki, maska qoruyucu vasitədir. Maska taxmaqla insan təkcə özünü deyil, ailəsini, yaxınlarını da qorumuş olur. Maskadan istifadə və digər karantin qaydalarına əməl etməyin məsuliyyətini hər bir vətəndaş hiss etməlidir”.
Onun sözlərinə görə, artıq virusdan təkrar yoluxma halları da təsdiqlənib, buna görə də sağalan insanlar arxayınlaşmamalıdır.