Orta məktəbdə tanış oldular, 8 il görüşsələr də, ayrı yaşadılar: kinoteatrda evlilik təklifi
Bloger Slava Deminin “YouTube” kanalında Ukrayna Prezidenti Volodimir Zelenski ilə onun həyat yoldaşı, ölkənin birinci xanımı Yelena Zelenskayanın sevgi hekayəsi haqqında veriliş yayımlanıb. AYNA-nın xəbərinə görə, verilişdə bildirilib ki, Volodimir və Yelena Zelenskinin sevgi hekayəsi gələcək Prezidentin oxuduğu Krivoy Roqdakı gimnaziyalardan birində başlayıb.
Yeddinci sinifdə Elena Kiyaşko bu təhsil müəssisəsinə gəlib və Volodimir dərhal onu bəyənib. Volodimir uzun müddət onun rəğbətini necə qazanacağını düşündü. Lakin birinci xanım həyat yoldaşı ilə ilk görüşlərini xatırlamadığını deyir.
Gimnaziyadan məzun olduqdan sonra, 17 yaşları olanda onların aralarında sevgi qığılcımı alovlanıb.
Onların münasibətlərinin necə başladığına dair bir neçə versiya var. Zelenskinin dostu Aleksandr Pikalov deyir ki, məhz o, Zelenskiyə Yelenanı “qazanmağa” kömək edib. Pikalovun sözlərinə görə, o hiyləgər bir plan hazırlayıb - Yelenadan videokaset istəyib, Volodimir isə kaseti qaytarıb. Beləliklə cütlük arasında yaxınlıq başlayıb.
Prezidentin özünün başqa hekayəsi var. Zelenskinin sözlərinə görə, Yelena ilə küçədə təsadüfən rastlaşıb. Gələcək Prezident əlində "Əsas instinkt" kasetini tutaraq ona tərəf gedib, kaseti verib və bu, bir-birini daha yaxından tanımağa səbəb olub. Volodimir Yelenadan başqa bir film kaseti istəyib. Beləliklə, aralarında ünsiyyət yaranıb.
Dediyinə görə, Zelenskinin qızlarla ünsiyyətdə heç vaxt problemi olmayıb, amma gələcək həyat yoldaşı ilə bağlı hər şey başqa cür olub. Əvvəlcə bu, Zelenski üçün çətin olub, lakin sonra Volodimir həqiqətən aşiq olduğunu başa düşüb.
Ancaq Yelena deyir ki, Volodimir öz zəkası və yumor hissi ilə onun diqqətini çəkib. Birinci xanımın sözlərinə görə, əvvəlcə münasibətləri yaxşı getməyib. Lakin tezliklə onların həyata, dünyaya baxışlarının eyni istiqamətə olduğunu, birlikdəliyin daha yaxşı olduğunu anlayıb.
Və sonra hər şey dəyişməyə başlayıb... Cütlük 8 il görüşüb, amma ayrı yaşayıblar. Volodimir hesab edirimiş ki, evlilik uşaqların tez doğulması deməkdir. Yelena da bu barədə ona təzyiq göstərməyib. Sonra Zelenski ailə həyatı qurmağa hazır olduğunu hiss edib. Təsirli bir film izləmək üçün kinoteatra gələrkən evlilik təklifi etmək qərarına gəlib.
Volodimir və Yelena 2006-cı ildə evləniblər və tezliklə qızları Aleksandra dünyaya gəlib. Doqquz il sonra Kirill adlı oğul dünyaya gəlib.
Onlar Ukraynada nümunəvi ailə sayılırlar. Cütlük 25 ilə yaxındır ki, birlikdədir. Rusiyanın tammiqyaslı işğal da daxil olmaqla, birlikdə həyatın sınaqlarından keçirlər. Məlumdur ki, indi cütlük birlikdə yaşaya bilmirlər. Lakin onlar inanırlar ki, tezliklə müharibə bitəcək və bütün ailələr yenidən birləşə biləcəklər.