Gömrük rüsumlarının bir hissəsi sentyabrın 1-dən, bir qismi isə 15-dən etibarən qüvvədə olacaq
Çin ABŞ ilə ticarət gərginliyini artırmaq məqsədilə qisas olaraq ABŞ-dan 75 milyard dollar dəyərində idxal edilən məhsullara əlavə gömrük rüsumu tətbiq edəcəyini açıqlayıb.
AYNA xarici mediaya istinadən xəbər verirt ki, Çinin Ticarət Nazirliyindən verilən açıqlamada ABŞ-dan gətirilən 5.788 məhsula görə 5 faizdən 10 faizə qədər əlavə gömrük rüsumu tutulacağı bildirilib.
Əlavə gömrük rüsumları tutulacaq məhsullara kənd təsərrüfatı məhsulları, xam neft, kiçik təyyarələr və avtomobillər daxildir.
Gömrük rüsumlarının bir hissəsi sentyabrın 1-dən, bir qismi isə 15-dən etibarən qüvvədə olacaq.
Çinin ABŞ-a gömrük rüsumunu artırması xəbərindən sonra Avropa birjalarında geriləmə müşahidə olunub.