Rəvanə Əliyeva: “Virus aşkarlanan şəxslər digər virus daşıyıcıları kimi rəsmi qeydiyyata alınırlar”
Bakıda gözəllik salonunun əməkdaşlarında koronavirus aşkarlanıb. Yerli mediada yayılan xəbərə görə, “Orxideya Beauty Studio”nun üç işçisi COVID-19-a yoluxub. Həmin şəxslərin xəstəxanaya yerləşdirildikləri bildirilir. Faktı gözəllik salonundan təsdiqləyiblər.
TƏBİB-in mətbuat katibi Rəvanə Əliyeva isə AYNA-ya açıqlamasında bildirib ki, əgər belə bir fakt varsa, bu haqda ümumi məlumat verilir:
“Yəni doğrudan da gözəllik salonu əməkdaşları koronavirusa yoluxublarsa, onlar ümumi yoluxanların içərisində gedir, kimlikləri konkret açıqlanmır. Ümumiyyətlə virus aşkarlanan şəxslər digər virus daşıyıcıları kimi rəsmi qeydiyyata alınırlar, müalicəyə götürülürlər”.