Uçuş təxminən bir saat davam edəcək
Amerika şirkəti “SpaceX” 16 iyulda “Starship” prototip buraxılış vasitəsinin yeni sınaq buraxılışını həyata keçirməyi planlaşdırır. AYNA.AZ xarici mediaya istinadən bildirir ki, bu barədə şirkətin sosial media hesabındakı paylaşımda qeyd olunub.
““Starship”in 13-cü sınaq uçuşu 16 iyul günü gözlənilir", - deyə paylaşımda bildirilib.
Uçuş təxminən bir saat davam edəcək. Bu müddət ərzində kosmik gəminin bölməsindən 20 V3 Starlink rabitə peyki buraxılacaq. Bunlardan altısı prototipin istilik qalxanını izləyəcək.
May ayında “Starship” (Versiya 3) kosmik gəmisinin başqa bir sınaq uçuşundan sonra Yerə qayıtdığı açıqlandı. Bildirildi ki, kosmik gəminin mühərriklərindən biri orbitə daxil edilmə zamanı sıradan çıxıb. Dərc olunmuş görüntülərdə Hind okeanındakı xüsusi platformada sıçrama zamanı “Starship”in necə çevrildiyi və partladığı, "göbələk buludu"na bənzər bir bulud buraxdığı göstərilir.
Bu missiya “Starship” sisteminin 12-ci tammiqyaslı sınağı idi, lakin yenilənmiş “Versiya 3” dizaynı və “Super Heavy V3” gücləndiricisi üçün ilk idi.