Təmsilçimiz müsabiqədə "Mata Hari" mahnısını oxuyacaq
Bu gün keçiriləcək “Eurovision 2021” beynəlxalq mahnı müsabiqəsinin birinci yarımfinalında Azərbaycan təmsilçisi çıxış edəcək. AYNA-nın xəbərinə görə, Azərbaycanı müsabiqədə Samira Əfəndi "Mata Hari" mahnısı ilə təmsil edir.
Mahnı müsabiqəsi Hollandiyanın Rotterdam şəhərində keçirilir. Müsabiqənin ikinci yarımfinalı mayın 20-də, final isə mayın 22-də baş tutacaq.
Rotterdamda müsabiqə 2020-ci ildə keçirilməli olsa da, koronavirus pandemiyası ilə əlaqədar müsabiqə təxirə salınmışdı.
Birinci yarımfinalda Azərbaycanla yanaşı Rusiya, Avstraliya, Norveç, Xorvatiya, İsrail, Belçika, Ukrayna, Malta da çıxış edəcək.