Nazir vətəndaşlarla görüşəcək
Rəqəmsal inkişaf və nəqliyyat naziri Rəşad Nəbiyev aprelin 4-də, saat 10:00-da Naftalan şəhərindəki Heydər Əliyev Mərkəzində Goranboy, Xocalı, Göygöl, Samux, Yevlax, həmçinin Gəncə, Mingəçevir və Naftalan sakinlərini qəbul edəcək.
Nazirlikdən AYNA-ya bildirilib ki, nazir bu bölgələrdə göstərilən nəqliyyat, telekommunikasiya, o cümlədən internet, televiziya və radio yayımı və poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək.
Qəbula yazılmaq üçün aprelin 3-nə nazirliyin Çağrı mərkəzi (1655) və elektron poçtu ([email protected]), 010 250 48 48 və 012 598 58 58 (daxili 222 və 290) nömrəli telefonlar vasitəsilə müraciət etmək mümkündür.