Nə hökumət yaxın durur, nə sahibkarlar - <font color=red> MÜŞKÜLƏ DÜŞMÜŞÜK</font>

Cəmiyyət

28.06.2019 - 10:04

Yay tətili başlayıb, lakin şagirdlərin tətili üçün dövlət hesabına yay düşərgəsi yoxdur

 

Artıq məktəblilərin yay tətili başlayıb. Ancaq valideynlərin qayğıları bitməyib, əksinə daha da artıb. Bu qayğılar isə övladlarının yay tətilini səmərəli keçirməsi ilə bağlıdır. Əksər valideynlər arzu edirlər ki, uşaqları öz tətillərini (ən azı müəyyən hissəsini) məktəblilər üçün nəzərdə tutulmuş yay düşərgələrində keçirsinlər. Amma... Amması ondan ibarətdir ki, ölkəmizdə fəaliyyət göstərən yay məktəblərinin, demək olar ki, hamısı özəldir və qiymətləri də “əl yandırır”. Dövlət hesabına bir dənə də olsun yay düşərgəsi yoxdur.

 

Təəssüflər olsun ki, bu məsələ ilə bağlı nə dövlət qurumları, nə də qeyri hökmət təşkilatları (QHT) tərəfindən hər hansı bir addım atılır. AYNA-nın əməkdaşı bu problemin həlli yollarını araşdırıb.

 

Təhsil eksperti Nabatali Qulamoğlu bildirib ki, dövlət bu işdə pul xərcləmək istəmir, iş adamları də bu məsələdə maraqsızdırlar: “Çünki onlar öz imkanlarını bəyan etməyə qorxurlar. Böyük əksəriyyəti isə hökumətdə kimlərəsə bağlı adamlardır. Bir sözlə, bu məsələnin həllinə pessimist yanaşıram”.

Təranə Xudabaxşiyeva