Millimizin rəqibi Bakıya heç-heçə ilə gəlir

İdman

02.09.2020 - 04:57

Azərbaycan millisi C Liqasının 1-ci qrupunda ilk oyununu sentyabrın 5-də keçirəcək

 

Azərbaycan millisinin UEFA Millətlər Liqasındakı rəqiblərindən olan Lüksemburq seçməsi yoxlama oyunu keçirib.

 

AYNA xəbər verir ki, Lyuk Holtsun başçılıq etdiyi kollektiv Almaniyanın III Bundesliqa təmsilçisi "Saarbrükken"lə qarşılaşıb.

 

"Jozi Bartel" stadionunda baş tutan matçda qalib müəyyənləşməyib. Komandalar meydanı qolsuz bərabərliklə tərk ediblər.

 

Qeyd edək ki, Azərbaycan millisi C Liqasının 1-ci qrupunda ilk oyununu sentyabrın 5-də Bakıda məhz Lüksemburqa qarşı keçirəcək. Bu rəqiblər ikinci qarşılaşma isə noyabrın 17-də Lüksemburqda olacaq. Qrupda Monteneqro və Kipr milliləri də yer alıblar.

Müəllif: Ayna.az