DİN Gəncədə tələbələr arasında kütləvi davaya münasibət bildirib

Xəbərlər

02.12.2022 - 01:26

Nazirlik: "Tələbələrlə profilaktiki söhbətlər aparılıb, araşdırmalar davam etdirilir"

Daxili İşlər Nazirliyi (DİN) Gəncədə tələbələr arasında kütləvi dava ilə bağlı açıqlama yayıb.

AYNA-nın məlumatına görə, DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov "Report"a bildirib ki, noyabr ayının 18-da Tələbə Həmkarlar Təşkilatının təşkilatçılığı ilə Gəncə şəhər Olimpiya Kompleksində Gəncə Dövlət Universitetinin və Azərbaycan Dövlət Aqrar Universitetinin tələbələri arasında futzal yarışı keçirilib.

Bu zaman oyunçular arasında mübahisə və sıxlıq yaranıb.

Sözügedən video ilə bağlı polisə hər hansı məlumat daxil olmayıb, lakin buna baxmayaraq Gəncə şəhər Baş Polis İdarəsinin əməkdaşları videodakı tələblər ilə söhbət aparıb və araşdırma zamanı məlum olub hər hansı bir xəsarət olmayıb. Tələbələrlə profilaktiki söhbətlər aparılıb, araşdırmalar davam etdirilir.

Qeyd edək ki, aparılan araşdırmanın nəticəsindən asılı olaraq əmələ hüquqi qiymət veriləcək.

Müəllif: Ayna.az