İş təxminən 60 kiloqram şokolad və üç aylıq əziyyətli əmək tələb edib
Çinli qadın 60 kiloqram şokoladdan istifadə edərək yeddi metrlik rəsmin surətini hazırlayıb. AYNA.AZ xəbər verir ki, bu barədə "South China Morning Post" qəzeti məlumat yayıb.
Fan Sumu adlı çinli qadın sosial media istifadəçilərini təəccübləndirərək "Çinqminq Festivalı zamanı çay boyunca" adlı Çin rəsminin nəhəng 3D surətini yaradıb və onu demək olar ki, tamamilə şokoladdan hazırlayıb.
İş təxminən 60 kiloqram şokolad və üç aylıq əziyyətli əmək tələb edib. Nəticədə yaranan kompozisiya yeddi metr uzunluğundadır və 176 ev, 281 ağac, 20-dən çox qayıq və 816 miniatür insan fiqurundan ibarətdir.
Ən kiçik detalların ölçüsü bir santimetrdən kiçikdir.
Maraqlıdır ki, Fan heç vaxt peşəkarcasına incəsənət təhsili almayıb - o kollecdə beynəlxalq ticarət üzrə təhsil alıb və bütün bacarıqlarını onlayn videolardan müstəqil şəkildə öyrənib.
O əvvəllər Eyfel qülləsinin, Pekindəki İmperator Sarayının və hətta Mona Lizanın şokolad surətini yaradıb.