COVID-19 xəstələrinə baxan tibb işçilərinin maaşlarına əlavələrin verilmə müddəti uzadılıb
Yeni növ koronavirus (COVID-19) infeksiyası ilə mübarizə tədbirlərində iştirak edən və Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına müddətli əlavənin verilməsinin müddəti uzadılıb.
AYNA xəbər verir ki, bu barədə Baş nazir Əli Əsədov qərar imzalayıb.
Qərara əsasən, həmin müddət mayın 1-dək uzadılıb.
Qeyd edək ki, daha əvvəl bu müddət martın 1-dək uzadılmışdı.