Ölkəmizdə ilk dəfə olaraq araqlar qızıl və gümüş filtrlərdən keçiriləcək
Oktyabr ayının 19-da “CARÇIOGLU GROUP” MMC və RF Tatarıstan Respublikasının “Tatspirtprom” dövlət şirkətinin birgə əməkdaşlığı ilə “RUS AZERİ SPİRİTS” zavodunun açılışı oldu. Zavod Qusar rayonunda yerləşir. “RUS AZERİ SPİRİTS” araq zavodu dünya markalarının Azərbaycanda ilk olaraq lisenziyalı istehsalına başlayıb. İstehsal olunan məhsullar həm ölkə daxilində, həm də xarici ölkələrdə satışa çıxarılacaq. Zavodun fəaliyyəti nəticəsində xarici araq məhsulları daxili bazarda 40 faizədək ucuzlaşacaq. Bu da ölkədə qeyri-neft sektorunun inkişafına böyük töhfə verəcək.
Açılış mərasimində Qusar Rayon İcra Hakimiyyətinin başçısı Şair Alxasov, Qusar rayonundan millət vəkili seçilmiş Azər Badamov, “Tatspirtprom” şirkətinin baş direktoru İrek Minnaxmetov, “CARÇIOGLU GROUP” MMC-nin direktoru Elçin Carçıyev, Tatarıstanın Azərbaycan Respublikasındakı Nümayəndəliyinin rəhbəri Alfred Firdausov, bir sıra dövlət və hökumət nümayəndələri, “Bravo”, “Araz”, bir neçə marketlər şəbəkəsinin müdirləri və media nümayəndələri iştirak edirdilər.
Ayna.az