“BYD son iyirmi ildə avtomobil sənayesində ən böyük uğur hekayələrindən biridir”
Viktor Orbanın hökumətində Macarıstanın xarici işlər naziri vəzifəsində olan Peter Siyarto parlament mandatından istefa verdiyini və Çin avtomobil istehsalçısı BYD-də işə başladığını açıqlayıb. AYNA.AZ xəbər verir ki, bu barədə Siyarto “Facebook” səhifəsində yazıb.
Nazir kimi Çin elektrikli nəqliyyat vasitələrinin güclü tərəfdarı olan Siyarto parlament mandatından imtina edib.
"Səbəb qlobal iqtisadiyyatın aparıcı şirkətlərindən birində beynəlxalq vəzifə tutmaq üçün son dərəcə şərəfli bir təklif almağımdır. BYD son iyirmi ildə avtomobil sənayesində ən böyük uğur hekayələrindən biridir və eyni zamanda, yeni enerjili nəqliyyat vasitələrinin istehsalında dünya lideridir", Siyarto yazıb.
Sabiq nazir qeyd edib ki, indi bu şirkətlər qrupu üçün xarici əlaqələr və yeni biznesin inkişafı üzrə rəhbər vəzifəsini icra edəcək.
BYD-nin Macarıstan nümayəndəliyi məlumat yayıb ki, Siyarto "qlobal, beynəlxalq vəzifəyə" təyin edilib və artıq şirkətin Macarıstandakı rəhbərliyinin bir hissəsi olmayacaq.
Siyarto Viktor Orbanın hökumətində üç dəfə xarici işlər naziri vəzifəsində çalışıb.
Qeyd edək ki, o Orbanın Rusiyayönlü siyasətində ən görkəmli şəxs olub.