Kolumbiyalı superulduz bütün zamanların ən çox gəlir əldə edən Latın Amerikasından olan sənətçisi rekordunu qırıb
Şakira rəsmi olaraq Ginnesin Rekordlar Kitabına düşüb. AYNA.AZ xəbər verir ki, “Billboard” jurnalının məlumatına görə, kolumbiyalı superulduz bütün zamanların ən çox gəlir əldə edən Latın Amerikasından olan sənətçisi rekordunu qırıb.
Onun "Las Mujeres Ya No Lloran" adlı dünya turnesi 2025-ci ilin fevral ayında başlayıb və hələ də davam edir.
Bu müddət ərzində Şakiranın konserti üçün 3,3 milyon bilet satılıb, 86 konsert verib, 421,6 milyon dollar qazanıb.
Rekord rəsmi olaraq 11 dekabr 2025-ci ildə, Şakiranın turu 410 milyon dollardan çox gəlir əldə etdikdə qırılıb. Və bu, hekayənin sonu deyil - müğənninin 2026-cı il üçün daha doqquz konserti planlaşdırılır.
Sənətçi özü bu anın onun üçün xüsusi olduğunu etiraf edib: "Bu rekordu qırmaq mənim üçün böyük bir mərhələdir, xüsusən də tarixən Latın Amerikası və İspaniyada neçə böyük sənətçinin qastrol səfərində olduğunu nəzərə alsaq. 30 illik zəhmət və çətinliklərlə dolu karyeramdan sonra bu anı yaşamaq sadəcə inanılmazdır. Sədaqətlərinə görə pərəstişkarlarıma sonsuz minnətdaram. Onlar olmasaydı, bunların heç biri baş verməzdi. Şübhəsiz ki, dünyanın ən yaxşı pərəstişkarlarım var".