Vaksinasiya olunacaq müəllimlərin siyahısı hazırlanıb
İlkin mərhələdə 50 yaşdan yuxarı müəllimlər koronavirusa qarşı peyvənd olunacaqlar. AYNA xəbər verir ki, bu barədə təhsil naziri Emin Əmrullayev keçirdiyi mətbuat konfransında bildirib.
Nazir bildirib ki, Təhsil Nazirliyi vaksinasiya olunacaq müəllimlərin siyahısını hazırlayıb: “Bakı şəhəri üzrə 16 698, bölgələr üzrə 32 600-dən çox müəllimin vaksinasiyası gözlənilir”.
“50 yaşdan yuxarı müəllimlərin könüllü vaksinasiyasının pandemiya ilə mübarizədə həyatımızı asanlaşdıracağını düşünürəm”, - nazir əlavə edib.