Türkiyənin XİN başçısı Ermənistana xəbərdarlıq edilməsini istəyib
Türkiyənin Xarici İşlər naziri Mövlud Çavuşoğlu rusiyalı həmkarı Sergey Lavrova zəng edib. AYNA xəbər verir ki, bu barədə “CNN Türk” diplomatik mənbələrə istinadla xəbər yayıb.
Məlumata görə, Çavuşoğlu Lavrovla danışığı zamanı Ermənistanın atəşkəsə tabe olması mövzusunda xəbərdarlıq edilməsini istəyib.
Xatırladaq ki, Ermənistan və Azərbaycan Moskvada keçirilən görüşlər zamanı 10 oktyabr saat 12:00-dan etibarən Dağlıq Qarabağda cənazə və əsir mübadiləsini nəzərdə tutan humanitar atəşkəs barədə qərar vermişdilər.
Lakin Ermənistanın işğlaçı ordusu atəşkəsdən 24 saat belə keçməmiş Azərbaycanın Gəncə şəhərinə raketlərlə hücum edib. Nəticədə 9 nəfər ölüb, 34 nəfər yaralanıb.