Voleybolçularımız gücü cəmi 1 setə çatıb
Qadın voleybolçulardan ibarət Azərbaycan millisi bu gün növbəti oyununu keçirib.
AYNA-nın məlumatına görə, yığmamız Qızıl Avropa Liqasında ikinci dövrəyə start verib.
A qrupunda yer alan Vüqar Əliyevin yetirmələri Fransadakı dövrəyə İspaniya ilə görüşlə start verib. İlk üç görüşdə xal qazana bilməyən millimiz yenə də rəqibi qarşısında aciz qalıb. Voleybolçularımız gücü cəmi 1 setə çatıb. Nəticədə yenə xal qazana bilməyən yığmamız “Dördlər finalı” arzusunu dəfn edib.
Qeyd edək ki, yalnız qrup qalibi yarımfinala vəsiqə qazanacaq.
Qızıl Avropa Liqası
II dövrə
IV tur, 4 iyun
20:00. İspaniya – Azərbaycan - 3:1 (25:19, 22:25, 25:21, 25:14)
Hakimlər: Olivye Julye (Fransa), Vitor Alexandre Qonsalveş (Portuqaliya)
Marehal Harnes regional idman zalı