Xuraman Şuşalı repertuarına bir fransız retro mahnı daxil etməyə hazırlaşırdı. O, aranjimançılardan birinə musiqiyə əl gəzdirməsi üçün kifayət qədər pul da ödəmişdi. Eyni zamanda mahnının sözlərini mütəxəssislərdən birinə tərcümə etdirərək, sevgidən bəhs edən mətni anlamaq niyyətində idi. Bir sözlə, o, aranjimanı hazır olan mahnının ifasına hazırlaşırdı. Lakin... Bir neçə gün əvvəl Fransa Senatının qondarma "erməni soyqırımı"nın inkarına görə cinayət məsuliyyətinin tətbiqi barədə qanun layihəsini qəbul etməsi onun planlarını dəyişib. Xuraman düşünmədən bu mahnıdan imtina edib. Xuraman Şuşalı dedi:
"Bu qərardan sonra elə sarsıldım ki, hətta bu mahnı da gözümdən düşdü. Bu mahnıya bir daha qayıtmaq fikrində deyiləm. Baxmayaraq ki, onun hazırlanmasına heç də az vəsait xərcləməmişdim".
|
