İlhamə Qasımova Almaniya və Avstriyada konsert proqramları ilə çıxış edəcək. İfaçının qəzetimizə bildirdiyinə görə, ilk konserti bu ayın 28-də Avstriyanın Vyana şəhərində "Milleniium situ" konsert zalında olacaq. İkinci konserti isə yanvarın 29-da Almaniyada Fulda şəhərində məşhur "Muzikpark Fulda" zalındadır.
İlhamə Qasımova fevralda da Almaniyanın müxtəlif şəhərlərində konsert proqramları ilə çıxış edəcəyini söyləyib. Fevralın 1-də Berlində, 3-də isə Lauterax şəhərində konsert verəcək. Fevralın 4-də Karlşrue şəhərindəki konserti isə ifaçının sayca xaricdə 5-ci konserti olacaq.
İlhamə xanımın fevralın 10-da və 11-də də Almaniyanın iki şəhərində çıxışı planlaşdırılır. İlhamə Qasımova bildirib ki, konsertlərə biletlər internetdən satılacaq.
