Azərbaycanın Təbriz xalçaçılıq məktəbi dünyada öz ilmələri ilə seçilir. O tayda toxunmuş belə xalçalardan biri - "Şeyx Səfi" xalçası Londonda Viktoriya muzeyində saxlanılır. Məqsədimiz Azərbaycan xalça məktəbləri haqda məlumat vermək deyil.
İranın "İRİNN" xəbər agentliyinin yaydığı məlumata görə, Şərqi Azərbaycan əyalətində Nasir Məhəmmədian adlı yerli xalça ustasının başçılığı altında "Azərbaycan tarixi" adlı xalça toxunub. Bu sənət əsərində Azərbaycanın tarixi yerləri, abidələri, Şəms Təbrizi, Mövlana, Məhəmmədtağı xan, Səttar xan, Bağır xan, Zeynəb Paşa, Pərvin Ehtisami, Şəhriyar və başqa bu kimi tanınmış azərbaycanlıların portretləri toxunub. Xalçanın uzunluğu 24 metr, ağırlığı 3 tondur. Onun toxunmasına 2 il öncə başlanılıb. Xalça hazırda Təbriz şəhər muzeyində saxlanılır.
|
