Dünən Vaşinqtonda Rusiya xarici işlər nazirinin müavini Qriqori Karasin ABŞ dövlət katibinin müavini Robert Bleyklə Mərkəzi Asiya problemləri ilə balı məsləhətləşmələr keçirib. APA-nın məlumatına görə, Karasin ABŞ dövlət katibinin siyasi məsələlər üzrə müavini Uendi Şermanla da görüşüb.
Tərəflər Rusiya və ABŞ-ın Mərkəzi Asiya istiqamətində qarşılıqlı fəaliyyət perspektivləri və regiondakı vəziyyət barədə fikir mübadiləsi aparıblar.
Həmin gün Qriqori Karasin ABŞ dövlət katibinin Avropa və Avrasiya məsələləri üzrə müavini Filipp Qordonla Rusiya və ABŞ-ın Belarus, Ukrayna, Moldova və Cənubi Qafqaz ölkələri ilə münasibətləri barədə fikir mübadiləsi aparıb. Görüşdə Dnestryanı və Dağlıq Qarabağ münaqişələrinin nizamlanması məsələləri müzakirə olunub.
|
