Sietse Bakker:
"Eurovision ölkələrinin siyahısı gələn həftə təqdim ediləcək"
 |
Ermənistanın iştirakı hələ də müəyyən deyil
Şənbə, 14.01.2012
|
|
mətn ölçüsü |
|
|
|
"Eurovision-2012" mahnı müsabiqəsində iştirak edən ölkələrin siyahısı gələn həftə açıqlanacaq. escdaily.com saytına istinadən, bu barədə "Eurovision Song Contest"in təşkilati məsələlər üzrə direktoru (supervisor) Sietse Bakker deyib. Onun sözlərinə görə, siyahının gələn həftə açıqlanması nəzərdə tutulur.
Bakker bildirib ki, Ermənistanın bu müsabiqədə iştirakı hələ də müəyyən deyil: "Biz AMPTV ilə iyundan bəri müsabiqədə iştirakla bağlı danışıq aparırdıq. Hazırda biz onların müsabiqədə iştirak edib-etməyəcəyi haqqında heç nə deyə bilmərik. Biz gələn həftə iştirakçı ölkələrin siyahısını təqdim edəcəyik, ayrı-ayrı ölkələrin iştirakını isə şərh etmirik".
Başqa bir xəbərə görə, Eurovision müsabiqəsinin İşçi Qrupu yarışma ilə bağlı promo-video çarxlarının çəkilişləri üçün növbəti kastinqlər keçirəcək. Seçimlər fevralın 4-də saat 12:00-dan 20:00-dək Bakı Biznes Mərkəzində olacaq.
Yanvarın 6-da keçirilən ilk kastinqlərdə 388 adam iştirak edib. Hazırda bu şəxslərin fotolarına baxılır. Yanvarın 6-da seçimlərə gələn şəxslər fevralın 4-də keçiriləcək kastinqlərə dəvət edilmir. Hər iki kastinqin cavabı isə fevral ayının 15-dək açıqlanacaq. Seçimlərdən keçən şəxslərlə əlaqə saxlanılacaq və onlar video çəkilişə dəvət olunacaqlar.
Kastinqdə məqsəd "Eurovision" Müsabiqəsinin tanıtım video-çarxları üçün simaların sadə vətəndaşlar arasından seçilməsi və bu müsabiqədə hamının yaxından iştirakına imkan yaradılmasıdır.
|
|
|
Oxşar xəbərlər:
İTV cəzalandırıldı
Bir mənzil üçün 10 min manat
"Eurovision-2009"da səsverənlərin siyahısı Azərbaycanda yoxdur"
Turizm sektoru:
Kimi turizmlə, kimi bilet satmaqla məşğuldur
"Eurovision-2010"un keçiriləcəyi məkan bəlli oldu
|
|
|
|
|
