Qənirə Paşayeva: \"ABŞ Konqresinin separatçılara maliyyə vəsaiti ayırmasını əsassız hesab edirik\"Şənbə, 07.01.2012
İLKİN
mətn ölçüsü
"ABŞ Konqresinin Dağlıq Qarabağ separatçılarına maliyyə vəsaiti ayırmasını əsassız hesab edirik, bunun heç bir məntiqi ola bilməz". Bu barədə jurnalistlərə açıqlamasında millət vəkili Qənirə Paşayeva bildirib. O qeyd edib ki, ABŞ Azərbaycanın ərazi bütövlüyünü tanıyan ölkə kimi obyektiv, ədalətli olmalıdır, separatçı rejimə dəstək verməklə ikili standartlara yol açmamalıdır. Qənirə Paşayeva deyir:
"Amma Konqresin belə bir qərarı ABŞ-ın bu məsələdə obyektiv olmadığını göstərir. Qondarma rejimə maliyyə dəstəyi ümumilikdə işğala dəstək kimi qiymətləndirilə bilər. ABŞ ATƏT Minsk Qrupunun həmsədri kimi neytral olmalıdır və ona görə də biz belə bir köməyin dayandırılmasını tələb edirik".
