Kürdəmir rayonunun Şilyan kəndində orta məktəb şagirdini qaçıran şəxs tutulub. Axşam saatlarında Şilyan kənd sakini, 21 yaşlı Nizami Əhmədov özündən 6 yaş kiçik olan azyaşlı qızı, Şilyan kənd orta məktəbinin 9-cu sinif şagirdi Vüsalə Rəhimovanı küçədən məcburi şəkildə özünə məxsus minik avtomobili ilə qaçırıb. Rəhimovanın valideynlərinin polisə müraciəti əsasında keçirilən əməliyyat-axtarış tədbirləri zamanı onların yeri müəyyən edilib. Qız valideynlərinə təhvil verilib, Əhmədov həbs edilərək barəsində cinayət işi açılıb, araşdırma aparılır.
Salyan sakini dostunu bıçaqlayıb
Salyan rayonunun Xocalı kəndində bıçaqlanma hadisəsi baş verib. Salyan rayonu Xocalı kənd sakini Natiq Həsənov (1995) həmkəndlisi və dostu Amid Həsənovu (1984) bıçaqlayıb. Yaralı Salyan Mərkəzi Rayon Xəstəxanasının cərrahiyyə şöbəsinə yerləşdirilib və əməliyyat olunub. Məlumata görə, hadisə dostların iştirak etdiyi məclisdə, zərərçəkən narkotik vasitədən istifadədən imtina etdiyi üçün baş verib. Polisin əməliyyat tədbirləri nəticəsində Natiq Həsənov saxlanılıb. Faktla bağlı cinayət işi açılıb, araşdırma gedir
|
