Türkiyənin Eskişehir şəhərində İran əleyhinə yürüş keçirilib. Bu barədə APA-ya aksiya iştirakçısı Nəvid Sultani məlumat verib. Onun sözlərinə görə, yürüşü Eskişehir Azərbaycanlılar Dərnəyi təşkil edib. Aksiyaya Azərbaycan Respublikasından və əslən İrandan olan 50-yə yaxın azərbaycanlı qatılıb.
Eskişehrin Yedilər parkından başlanan yürüş şəhərin mərkəzinə qədər davam edib. Məqsəd İran hakimiyyətinin yaşayan 35 milyondan çox azərbaycanlının məruz qaldığı hüquq pozuntularına, fəalların həbsinə, ədalətsiz məhkəmə qərarlarına etiraz olub. Aksiyada siyasi məhbusların fotoları nümayiş etdirilib, onların dərhal azadlığa buraxılması tələb edilib.
Yürüşün sonunda GAMOH-un (Güney Azərbaycan Milli Oyanış Hərakatı) nümayəndəsi Cavad Abbasi aksiyanın qətnaməsini oxuyub.
"Azərbaycan bir olsun, mərkəzi Təbriz olsun!", "Ankara-Bakı-Təbriz, birlikdə güclüyük biz!" şüarları altında keçirilən yürüş insidentsiz başa çatıb.
|
