İqtisadi Əməkdaşlıq və İnkişaf Təşkilatının ekspertləri planetin müxtəlif ölkələrində ən varlı və ən kasıb insanların gəlirləri ilə bağlı hesabat dərc ediblər. Hesabatda gəlinən əsas nəticə isə heç kimi təəccübləndirməyib: varlılar varlanmaqda, kasıblar isə kasıblaşmaqda davam edirlər. Digər bir məsələ təbəqələr arasında fərqin hansı sürətlə böyüməsi olub. Avropa Birliyində, məsələn, bu sahədə sürətə görə Böyük Britaniya liderlik edir.
Tədqiqata görə, krallıqda 10 faiz daha çox təmin olunmuş vətəndaşlar ən kasıblardan 12 dəfə çox qazanırlar. Hazırda (2008-ci ilin məlumatlarına görə) ən varlı britaniyalıların orta illik gəliri 55.000 funt-sterlinq (64.200 avro) təşkil edir. Kasıblar isə ildə 4700 funt-sterlinq (5500 avro) alır. Bu fərq isə 1985-ci illə müqayisədə 8 dəfə çoxdur. Beləliklə, britaniyalıların gəlirlərinin qeyri-bərabərliyi 1970-ci illərin ortalarından bəri iqtisadi cəhətdən inkişaf etmiş ölkələr arasında ən yüksək hədlə artır.
Bu göstəricilərdən bir qədər geri İtaliya qalır. Burada ən gəlirli vətəndaşların göstəricisi ən kasıb təbəqənin gəlirindən 10 dəfə çoxdur. Onların əməkhaqqı müvafiq olaraq 49 300 və 4900 avro təşkil edir. Son 20 il ərzində varlılar və kasıblar arasında fərq artıb. O zaman əməkhaqqı fərqi 8:1 idi. Varlılar və kasıblar arasında fərq AB-nin "vicdanlı" üzvləri - Almaniya, Danimarka, İsveçrədə də artır. Burada göstərici 5:1-dir. Lakin bu rəqəm digər ölkələrlə müqayisədə az qala itib-batır. Məsələn, Braziliya, Rusiya, Hindistan və Çində ən varlılar kasıblardan 50 dəfə çox qazanır.
Ekspertlər hesab edir ki, fərq maliyyə elitasının artması hesabına həyata keçir. Dünyada 1985-ci ildən bəri varlılar və kasıbların gəlirlərinin dəyişmədiyi yeganə ölkə isə Belçikadır. Hesabatda qeyd olunur ki, son 50 ildə gəlirlərin qeyri-bərabərliyi hökm sürür. "Euromag" yazır ki, statistikaya görə, müxtəlif ölkələrdə dünyanın ən varlı adamlarının gəlirləri ən kasıb insanların gəlirlərini 10 dəfə üstələyir.
|
