Nadir Qafarzadə: \"Heç kimin qulu deyiləm\"

Nadir Qafarzadənin Məşhəd ziyarətinə getməsi şoular mühitində təəccüblə qarşılanıb. Çoxları onun bundan sonra qalmaqallardan uzaq duracağı, sakit bir sənət həyatı yaşayacağını düşünür. Bəziləri isə hesab edir ki, Nadir qalmaqaldan uzaqlaşa bilməz, hər zaman bu mühitdə kimlərisə qıcıqlandırmaqda, onlara söz atmaqda davam edəcək. Bəs özü necə düşünür?

- Dostlarımdan biri ziyarətə gedirdi, səfərə bir gün qalmış mənə də təklif etdi, heç nə düşünmədən razılıq verdim. Bir də ki ziyarət insanları dəyişmir. Elə əvvəlki Nadirəm. Onsuz da daxilən böyüyürəm. Kiminlə necə davranmağı yaxşı bilirəm. Hər adamla söz döyüşü aparmıram. Böyük-kiçik yeri bilənəm. Amma həddini aşan olanda, dözmürəm. - Natavan Həbibi bir dəfə demişdi ki, xaricə konsertə gedəndə hansısa qüvvələr ona mane olur. Siz də belə maneələrlə rastlaşırsınız? - Belə hallarla mən də rastlaşıram. Təşkilatçı ilə danışırıq, razılaşırıq, sonra eşidirəm ki, dünən mənimlə 15 dəqiqə konserti müzakirə edən adam bu gün başqasını dəvət edir. Bu işdə elə həmkarlarımın əli olur.

REKLAM

Dolayısı ilə adımı siyahıdan silib, özlərini əlavə edirlər. Özümə söz vermişəm ki, heç kimlə dava eləməyim. Hərdən söz atıb, məni özümdən çıxarmaq istəyirlər, amma reaksiya vermirəm. Mən qalmaqallara ailəmin adının qarışmasına icazə verməmişəm. Həm də o insanlardan fərqli olaraq mənim toy sifarişlərim var. Toy biznesindən başqa yaradıcılıqla məşğul oluram. Milli qəhrəmanımız Mübariz İbrahimov haqda klip çəkdirmişəm. Hazırda isə Ukraynada klip çəkdirməyə hazırlaşıram. Onu RuTV-də göstərəcəklər. - Yəni bu, rus bazarına atılmaq üçün ikinci cəhddir? - Əlbəttə, həm də inanıram ki, birinci dəfəkindən daha uğurlu olacaq. - Prodüser Tolik deyir ki, toyda oxuyanlar növbətçiyə bənzəyir, toy sahibi istədiyi an mikrofonu onun əlindən alıb, başqa bir "yarımsaatlıq" ifaçıya verə bilər. - Mən heç kimin qulu deyiləm, heç kimin çaldığı havaya da oynamaram. Bu fikirlə də qəti razılaşmıram. Toyu aparan müğənni oradakı əsas şəxsdir. O nə vaxt oxuyub qurtarsa, "yarımsaatlıq"lar ondan sonra oxuya bilər. - Əgər sözün keçməsə, onda necə? - Onda hər şeyi atıb çıxıb gedərəm. Özünə qiymət verən hər bir ifaçı belə etməlidir.