Ana olmağa hazırlaşdığı dönəmdə fizioloji görüntüsü ilə tez-tez kamera qarşısına keçən Xuraman Şuşalı övladına da bu imkanı yaratmaqdan çəkinmir. Lakin bu sərbəstlik sənətçi ilə həyat yoldaşı arasında inciklik yaradıb. Rejissor əri Xuramana ana olmağa hazırlaşarkən onun klipini çəkəcəyini vəd edibmiş. Lakin çəkiliş baş tutmayıb. Səbəb - rejissorun hər dəfə vaxtı uzatması olub...

Ana olandan sonra isə bu dəfə özü inad göstərib və klipə çəkilməkdən imtina edib.

Xuramanı heç bir vəchlə yola gətirməyən həyat yoldaşı ona sürpriz hazırlayıb. İfaçının əldə olan fotolarından klip hazırlayıb. Amma Xuraman xanım hələ də küskünlüyünü qoruyur və klip haqda söz demir. O, klipin bəyəniləcəyi təqdirdə rəy bildirəcək.